О нас
Редакционная коллегия
Малхаз Цикаришвили
Главный редактор
Гела Кипиани
Заместитель главного редактора
MEMBERS OF SCIENTIFIC-EDITORIAL BOARD:
Holm Altenbach (Germany), Tamaz Batsikadze (Georgia), Aida Bode (Albania), Azeddine Bouziane (Algérie), Martin Cannan (Australia), Chengzhi Qi (China), Archil Chikovani (Georgia), Predrag Dašić (Serbia), Francesco Delizola (Italy), Domeniko Guida (Italy), David Gurgenidze (Georgia); Zurab Gvishiani (Georgia), Isaak Evzerov (Ukraine), Alemdar Hasanoglu Hasanov (Turkey), Nino Imnadze (Georgia), Marina Javakhishvili (Georgia); Isak Karabegović (Of Bosnia and herzegovina), Omar Kikvidze (Georgia), Tariel Kvitsiani (Georgia), Tamaz Khmelidze (Georgia), Levan Klimiashvili (Georgia);
Murman Kublashvili (Georgia), Darja Kubečkova (Czech Republic), Sergey Myamlin (Ukraine); Manana Moistrapishvili (Georgia); Elguja Medzmariashvili (Georgia); Zurab Megrelishvili (Georgia), Wolfgang H. Müller (Germany), Gaioz Partskhaladze (Georgia), Gappar Rakhmanberdiev (Uzbekistan), Marlena Rajczyk (Poland), Paata Rekvava (Georgia); Nugzar Rurua (Georgia); Nugzar Shavlakadze (Georgia), Vache Tokmajyan (Armenia), Raul Turmanidze (Georgia), Botir Usmonov (Uzbekistan), Yeghiazar Vardanyan (Armenia), Gasham Zeynalov (Azerbaijan).
Исполнительный секретарь
Тинатин Маградзе
Учредители
Георгий Лагундаридзе
Малхаз Цикаришвили
Тинатин Маградзе
Журнал издается с 2006 года.
საქართველოს ტექნიკური უნივერსიტეტის სამეცნიერო-ტექნიკური ჟურნალი “BUILDING („მშენებლობა“)-ს
დებულება
მუხლი 1. ზოგადი დებულებები
1. საქართველოს ტექნიკური უნივერსიტეტის სამეცნიერო-ტექნიკური ჟურნალი “BUILDING” („მშენებლობა“, შემდგომში ჟურნალი) წარმოადგენს პერიოდულ საერთაშორისო რეფერირებად და რეცენზირებად გამოცემას, რომელიც მიზნად ისახავს საინჟინრო, სამშენებლო და არქიტექტურის დარგში და ინტერდისციპლინარული სამეცნიერო კვლევების, პუბლიკაციების გამოქვეყნებას აქტუალურ საკითხებზე.
2. ჟურნალი თავის საქმიანობას წარმართავს წინამდებარე დებულების მიხედვით.
3. ჟურნალის საერთო პოლიტიკას და ძირითად მიმართულებებს განსაზღვრავს რედაქტორთა საბჭო.
4. ჟურნალი თავისი მიზნებიდან გამომდინარე, მოქმედებს როგორც საქართველოს ტერიტორიაზე, ასევე მის ფარგლებს გარეთ.
5. ჟურნალი თანამშრომლობს ადგილობრივ და საერთაშირისო ორგანიზაციებთან და სახელისუფლებო სტრუქტურებთან, საერთაშორისო და ადგილობრივ დონორებთან, ქართველ და უცხოელ მეცნიერებთან, ინჟინრებთან, დოქტორანტებთან, მაგისტრანტებთან და ბაკალავრებთან შესაბამის დარგში.
6. ჟურნალში გამოქვეყნებულ მასალებზე დაცული იქნება ყველა მატერიალური, თუ არამატერიალური საავტორო უფლება.
7. ჟურნალს მინიჭებული აქვს საერთაშორისო გრიფი ISSN 1512-3936 ,ISSN 2960-9682(Onlain), DOI:https://doi.org/10.52340/building და სერიულ გამოცემათა საერთაშორისო სტანდარტული ნომერი.
8. ჟურნალი ქვეყნდება როგორც ბეჭდური, ასევე ელექტრონული ფორმით, წვდომა- თავისუფალი.
9. რეცენზირების ფორმა: ნახევრად დაფარული.
10. სამეცნიერო პერიოდული გამოცემის ენა ინგლისური.
11. ჟურნალის ვებ-გვერდზე ქვეყნდება ჟურნალის ელექტრონული ვერსია.
12. სამეცნიერო პერიოდული გამოცემის სამეცნიერო მიმართულებები: საინჟინრო, სამშენებლო, არქიტექტურის და ინტერდისციპლინარული სამეცნიერო მიმართულებები.
13. სამეცნიერო პერიოდული გამოცემის პერიოდულობა: გამოდის წელიწადში ორჯერ (წლის პირველ ნახევარში 15 ივლისამდე და წლის მეორე ნახევარში 25 დეკემბრამდე).
მუხლი 2. ჟურნალის მიზნები, ამოცანები და პოლიტიკა
1. ჟურნალის მიზანია სამშენებლო და საინჟინრო მეცნიერებების განვითარების ხელშეწყობა, მეცნიერთა და პრაქტიკოს ინჟინერთა განსაკუთრებული სამეცნიერო კვლევებისა და მიღწევების წარმოჩენა და ჟურნალში გამოქვეყნების გზით მათი ფართო საზოგადოებისათვის გაცნობა.
2. ჟურნალის ამოცანაა საერთაშორისო დონეზე მაღალი სამეცნიერო სტატუსისა და ავტორიტეტის მოპოვება და იმ ნიშის დაკავება, რაც საერთაშორისო აღიარების მქონე სამეცნიერო ტრადიციების ჟურნალებს უკავიათ.
3. ჟურნალი იცავს სამეცნიერო პუბლიკაციების გამოქვეყნების ეთიკას. ჟურნალში არ ქვეყნდება პოლემიკური, ასევე მიმოხილვითი და აღწერითი ხასიათის სტატიები.
4. ჟურნალში გამოქვეყნებულ სტატიებზე ვრცელდება ღია წვდომის პოლიტიკა, რაც გულისხმობს ვებგვერდზე მის საჯარო გავრცელებას, ასევე ბეჭდური ვერსიის ბიბლიოთეკებისთვის და ავტორებისთვის გადაცემას.
5. სტატიის მეცნიერულ დონეზე პასუხისმგებელია ავტორი და დეპარტამენტი ან სამეცნიერო სტრუქტურა, საიდანაც მოხდა ნაშრომის წარდგინება, ასევე ნაშრომი გადის რეცენზიას ორ დარგის წამყვან მაღალი რანგის მეცნიერთან.
მუხლი 3. სარედაქციო კოლეგია
1. ჟურნალს ჰყავს საინჟინრო, სამშენებლო და არქიტექტურის დარგში მოღვაწე აკადემიური პერსონალისა და პრაქტიკოსი მშენებლებისაგან შემდგარი სამეცნიერო-სარედაქციო კოლეგია, რომლებიც ფლობენ მაღალ პრაქტიკულ და თეორიულ კვალიფიკაციას და არიან აღარებული კომპეტენტურობის მქონე მეცნიერები.
2. ჟურნალის სამეცნიერო-სარედაქციო კოლეგიას ამტკიცებს ჟურნალის რედაქტორთა საბჭო.
3. ჟურნალის ტექნიკურ პერსონალს ნიშნავს რედაქტორთა საბჭო.
4. გამოქვეყნებული სტატიის სიზუსტეზე პასუხისმგებელია ავტორი. მისი პოზიცია შეიძლება არ ემთხვეოდეს სარედაქციო კოლეგიის შეხედულებებს.
5. ჟურნალის რედაქცია პასუხს არ აგებს სტატიის გამოქვეყნების შედეგად გამოწვეულ შესაძლო ზარალზე. იმ შემთხვევაში, თუ სტატიის გამოქვეყნების შედეგად მოხდა საავტორო ან სხვა უფლებების დარღვევა, რედაქცია უფლებამოსილია გამოქვეყნებული სტატია ამოიღოს მონაცემთა ბაზიდან.
6. რედკოლეგია უფლებამოსილია განიხილოს სამეცნიერო ნაშრომი და მიიღოს გადაწყვეტილება მისი გამოქვეყნების ან არგამოქვეყნების შესახებ.
7. ჟურნალის სარედაქციო კოლეგია პასუხს არ აგებს გამოქვეყნებული სტატიების სამეცნიერო შინაარსის ხარისხზე.
8. სარედაქციო კოლეგიის მიერ უარყოფითი შეფასების შემთხვევაში სტატია არ გამოქვეყნდება.
მუხლი 4. რედაქტორთა საბჭო
1. ჟურნალის საქმიანობას ხელმძღვანელობს ჟურნალის რედაქტორთა საბჭო, საბჭოში შედის ჟურნალის მთავარი რედაქტორი, მთავარი რედაქტორის მოადგილე, ტექნიკური რედაქტორი და პასუხისმგებელი მდივანი, რომლბსაც ნიშნავს და ათავისუფლებს რედაქტორთა საბჭოს კრება ხმათა უმრავლესობით.
2. რედაქტორთა საბჭოს სახელით მთავარი რედაქტორი ანაწილებს მოვალეობებს გამომცემლობის თანამშრომლებს შორის, აძლევს მათ მითითებებსა და დავალებებს.
3. მთავარი რედაქტორი ჟურნალს დამოუკიდებლად წარმოადგენს მესამე პირებთან ურთიერთობაში.
4. ჟურნალის მთავარი რედაქტორი ანგარიშვალდებულია რედაქტორთა საბჭოსთან.
5. პასუხისმგებელ მდივანს ნიშნავს რედაქტორთა საბჭო ხმათა უმრავლესობით.
6. ტექნიკური რედაქტორი ვალდებულია: ხელი შეუწყოს პასუხისმგებელ მდივანს მასზე დაკისრებულ მოვალეობების განხორციელებაში, უზრუნველყოს სტატიების მიღება პასუხისმგებელ მდივანთან ერთად, განაახლოს და აკონტროლოს ჟურნალის ვებ გვერდის მუშაობა, უზრუნველყოს სამეცნიერო-სარედაქციო კოლეგიის წევრების პერიოდული შეკრებები ჟურნალის შემდგომი პოლიტიკის განსაზღვრის მიზნით. იგი პასუხისმგებელია ჟურნალის დროულად გამოცემის ორგანიზებაზე;
7. პასუხისმგებელი მდივანი ვალდებულია მიიღოს სტატიები ნაბეჭდი და ელექტრონული ვერსია, შეამოწმოს წარმოდგენილი დოკუმენტაციის სრულყოფილება, მოახდინოს სტატიების ტექნიკური ხარვეზის დადგენა და მისი აღმოფხვრა. მონაწილეობა მიიღოს სტატიების რედაქტირების პროცესში, მართოს ჟურნალის ვებგვერდი, ჟურნალი დასაბეჭდად გადასცეს სტამბას, ჟურნალები გადასცეს ბიბლიოთეკებს და სტატიის ავტორებს და სხვა.
მუხლი 5. სტატიის მიღების, გამოქვეყნების წესები და პირობები
1. ჟურნალში გამოსაქვეყნებლად მიიღება სტატიები, რომლებიც შეიცავენ მეცნიერული სიახლის ელემენტებს და ეხება საინჟინრო, სამშენებლო და არქიტექტურის დარგის, ასე ინტერდისციპლინარული პრობლემებს და თემატიკას.
2. სტატია შეიძლება წარმოდგენილი იყოს როგორც ინდივიდუალური, ისე კოლექტიური სახით.
3. დასბეჭდად მიიღება, როგორც ქართველი ასევე უცხოელი აკადემიური პერსონალისა და მკვლევარების ნაშრომები;
4. სტატია წარმოდგენილი უნდა იყოს ელექტრონულად და ბეჭდური სახით;
5. სტატიას განიხილავს სარედაქციო კოლეგია და გადაწყვეტს მისი გამოქვეყნება-არგამოქვეყნების საკითხს. სარედაქციო კოლეგია არ განიხილავს ნაშრომს, რომელიც მოთხოვნების მიხედვით არ იქნება გაფორმებული. დაწუნებული ნაშრომი ავტორს არ დაუბრუნდება.
მუხლი 6. სტატიის წარმოდგენის წესები და ვადები
1. 2024 წლიდან წელიწადში გამოიცემა ჟურნალის ორი ნომერი ყოველ ექვს თვეში (წლის პირველ ნახევარში 15 ივლისამდე და წლის მეორე ნახევარში 25 დეკემბრამდე). შესაძლებელია ასევე დამატებითი ან სპეციალური ნომრის გამოცემა წლის ნებისმიერ დროს.
2. სტატია წარმოდგენილი უნდა იყოს ჟურნალის მთავარი რედაქტორის სახელზე გამოქვეყნების თხოვნით.
სტატია წარმოდგენილი უნდა იყოს შემდეგი სახით:
ერთი კვალიფიციური რეცენზია სხვა დეპარტამენტიდან ან ინსტიტუტიდან, სადაც არ მუშაობენ სტატიის ავტორები;
მიმართვა მთავარი რედაქტორის ან რედაქციის სახელზე გამოქვეყნების თხოვნით იმ დეპარტამენტიდან ან დაწესებულებიდან, სადაც შესრულებულია შრომა;
CV, ცნობები ავტორის (ავტორების) შესახებ, მოცემულ შრომაში მისი წვლილის აღნიშვნით;
სტატიის ელ.ვერსია გადმოგზავნილ უნდა იქნას მისამართზე: https:mshen-journal.ge
სტატიას განიხილავს სარედაქციო კოლეგია და გადაწყვეტს მისი გამოქვეყნება-არგამოქვეყნების საკითხს.
სტატიის ტიპოგრაფიული თუ ელექტრონული სახით გამოქვეყნებაზე ავტორმა უნდა განაცხადოს თანხმობა; მიღებული სტატიის გასწორებული ვერსია, ან დაწუნებული ნაშრომი ავტორს არ უბრუნდება.
სარედაქციო კოლეგია არ განიხილავს ნაშრომს, რომელიც მოთხოვნების მიხედვით არ იქნება გაფორმებული. ნაშრომის გამოქვეყნება ფასიანია.
სტატიის ბოლო გვერდზე უნდა იყოს ყველა ავტორის ხელმოწერა (გარკვევით).
აუცილებელია ნაშრომის გადმოცემის აკადემიური სტილის დაცვა.
სტატიას თან უნდა ერთვოდეს შემდეგი დოკუმენტაცია:
• კვალიფიციური რეცენზია სხვა სამეცნიერო დაწესებულებიდან ან სხვადასხვა დეპარტამენტიდან.
• წარდგინება დეპარტამენტის ან დაწესებულების, სადც მუშაობს ავტორი ან ავტორთა ჯგუფი.
• ავტორის მიმართვა რედაქციის სახელზე სტატიის გამოქვეყნების თხოვნით.
• ავტორის/ავტორთა CV.
მუხლი 7. ფარული რეცენზია
1. სამეცნიერო სტატია ცალკეულ შემთხვევებში ეგზავნება ფარულ რეცენზენტს.
2. სტატიის დადებითად თუ უარყოფითად შეფასების შედეგი უნდა ეცნობოს ავტორს.
3. სტატია გამოქვეყნდება იმ შემთხვევაში, თუ რეცენზენტი ნაშრომს დადგენილი კომპონენტების მიხედვით შეაფასებს დადებითად.
4. რეცენზირება არის სრულიად ანონიმური.
მუხლი 8. საერთაშორისო თანამშრომლობა
1. ჟურნალი თანამშრომლობს და აქტიურად გააგრძელებს თანამშრომლობას მსოფლიოს სხვადასხვა ქვეყნების მეცნიერთა ფართო წრეებთან.
2. ჟურნალში დაიბეჭდება როგორც ქართველი, ასევე უცხოელი მეცნიერების სტატიები ინგლისურ ენაზე.
მუხლი 9. დასკვნითი დებულებები
1. ჟურნალის სარედაქციო კოლეგიის შემადგენლობა შეიძლება შეიცვალოს, რედაქტორთა საბჭოს გადაწყვეტილებით.
2. ჟურნალის გამომცემლობის ლიკვიდაცია ხდება დამფუძნებლთა კრების გადაწყვეტილებით.
ჟურნალის მთავარი რედქტორი: /მ. წიქარიშვილი/